Et eezte Mohl, dat ich em Kino woor,
weiss nit, en welchem Johr, weiss nur noch wo.
Mann, woor ich do nervös! Mann woor dat Kino jross!
Ich gläuv, die Klappsitz woore ruud bespannt,
ich benn nit sicher, doch ich jläuv met Samt.
Vüürhang met Stääne drop, 't düster'n hä jing op.
Et wood janz leis em Saal, ne Kulturfilm leef ahn, dann Wocheschau.
't flooch en Kamra durch't All, un en Stemm hätt verzällt, wat wo loss wohr.

Refr.:
Un en Cinemaskop kohm donoh Deck un Doof,
Indianer un Cowsboys, kohm Hollywood.
't wood jelaach, mitjeföhlt un dozweschejegröhlt,
Stars un Stääncher bestaunt, uns jing et joot.
Zelluloid-Paradies, en der Paus joov et Ihss
un wenn't tragisch wood Träne... wood metjeflennt.
Doch ein Saach, die woor kloor,
't kohm nix andres en Frooch:
Janz ahm Schluß – wat och sons? – e Happy End.

Ahm Chlodwigplatz, wo unser Kino woor
ess längs ne Supermaat un ich un do
jonn ahn Rejale lang, stonn en dä Kasseschlang.
Da, wo die Sonderahnjebote stonn,
do hinge Fotos: Robin Hood, King-Kong,
ich wei0 noch janz jenau, eimohl'n Bikinifrau.
Kohm en dä Film nit rinn, moht mer sechzehn für sinn...
dä leef och spät.
Doch dat Bild hätt jereisch, ich schleef wochelang schlääch...
do woor doch jet!?

Refr.:
Un en Cinemaskop joov et hück Deck un Doof,
Indianer un Cowboys un Hollywood.
't wood jelaach, mitjeföhlt un dozweschejegröhlt,
Stars un Stääncher bestaunt, uns jing et joot.
Zelluloid-Paradies, en der Paus joov et Ihss
un wenn't tragisch wood Träne... wood metjeflennt.
Doch ein Saach, die woor kloor,
't kohm nix andres en Frooch:
Janz ahm Schluß – wat och sons? – e Happy End.

Writer : SAKAMOTO, RYUICHI
Copyright : Lyrics © EMI Music Publishing